قەولێ بەحرا .
۱- ڕۆژەکێ فکریم .
داما بووم حەیریم .
ل بەحرەکێ سەیریم.
٭ ٭ ٭
۲- چى بەحرەكە كورە!
سبحانە ژ مەلێ غەفووڕە.
تەرەفێ ڤێ بەحرێ سەحتێ دوورە۰
٭ ٭ ٭
۳- چى بەحرەكا ساخە!
يەكورە بێ قياسە.
ركنەكە و چار ئەساسە.
٭ ٭ ٭
٤- چى بەحرەكە پانە.
سبحانە ژ مەلكێ رەحمانە.
تەرەفێت ڤێ بەحرێ نە دخويانە.
٭ ٭ ٭
٥- چى بەحرەكە مەزنە.
قەنديلەكە نوورانى د ئيسێت ل بنە.
چار جۆى ژێ دچنە۰
٭ ٭ ٭
٦- چى بەحرەكە كورە.
سبحانە ژتە مەلكێ غەفورە.
تەرەفێت ڤێ بەحرێ سەحت ل دوورە.
٭ ٭ ٭
۷- چى بەحرەكە بێ حەدە .
سبحانە ژ تە مەلكێ سەمەده.
مە ب خودێ خۆ مەدەدە.
٭ ٭ ٭
۸- چى بەحرەكە عەميقە.
پەدشا ل مە دكەتەت شەفيقە.
ئەم ژ دوور ئينانە نێزيكە.
٭ ٭ ٭
۹- ئەم ژ دوور ئينانە كناره.
پێل دئێنە مە ب دژوارە.
مە ب خودێ خۆ هاوارە.
٭ ٭ ٭
۱۰- هاوارە خودێ خۆ مە.
چەندى مەدەها ژێ ددەمە.
پەدشێ من ئەوە يێ ل عەرشە ل سەما.
٭ ٭ ٭
۱۱- پەدشێ من ل عەرشكر.
نەقاشێ چەندی نەقش کر.
دوو جندیيا قوبەك فەرشكر.
٭ ٭ ٭
۱۲- دوو جندى يا دوڕەك دگێرا.
هوون شەھدە بن ژ خودێ ڕا .
هەر زەربەک ناڤ هەزار زەربا هەبوو ڤێڕا.
٭ ٭ ٭
۱۳- ئەز فكريم ل وێيە.
دەرگەھەکە وسێ رێ یه.
دوو درونشتی نە و ئێك دايم دچت و دئێ يه.
٭ ٭ ٭
۱٤- ل با دلێ من بوو عەيانە.
كورسيەكە ب شەش پێ يانه.
فتيلەكە و چار چرانه.
٭ ٭ ٭
۱٥- ھەر چار چرا و فتيلەک .
دوو مەنبەر و قەنديلەک۔
هەفت دەرگەھ وکلیلەک.
٭ ٭ ٭
۱٦- من ل وێ ديت بوو بازارەک.
دناڤدا هەبوو يارەک .
ل سەر سەکنی بوو سوارەک.
٭ ٭ ٭
۱۷- ل سەر سەکنی مير .
ئەوى خەولەكربون فەقير .
وێ دكەن راي وھۆله.
٭ ٭ ٭
۱۸- چى ميرەكى مەزنە.
خودانێ يازدە هەزار قەوشەنە.
تەلپێت گران ژبەر دهەڕەنە.
٭ ٭ ٭
۱۹- ئەز فكريم ب نەره .
ئێزى رونشتبوو ل مەنبەره .
وێ دخونت ل چار دەفتەره.
٭ ٭ ٭
۲۰-قازی و مەنبەرن ۰
کتێب و دەفتەرن ۰
تەژنەکە و چار بەشەرن۰
٭ ٭ ٭
۲۱ـ هەر چار بەشەر ب روحەکێ ۰
هەردوو تایێ سیهەکێ ۰
تە باکرنە وان ژ دەرەکێ۰
٭ ٭ ٭
۲۲ـ هەر چار یارێ تەبانە۰
حەرفەک ل ناڤ وان یازدە حەرفانە۰
دوو رونشتینە ژ پێیانە۰
٭ ٭ ٭
۲۳ـ سەعدەتا ب دەن خەبەرە۰
وێ دبێژن قەولا و وێ دخونن دەفتەرا۰
بۆ خودانێت نەدەرا ۰
٭ ٭ ٭
۲٤ـ سەعەتا ددەن حسێبێ ۰
وێ دبێژن قەولا وێ دخونن کتێبێ ۰
بۆ خودانێت عەجێبێ ۰
٭ ٭ ٭
۲۵ـ قاتانیێ چەند مەعنە دگۆتن ۰
دایکە و چار دۆتن ۰
ئەو دباتندا دهاتنە گۆتن ۰
٭ ٭ ٭
۲٦ـ باتن و مەعریفەتە۰
رونشنا وان موحەبەتە ۰
ڤەخوارنا وان ژ کاسا موحەبەتە۰
٭ ٭ ٭
۲۷ـ خۆشیا ل وان زوکر ۰
ب ماش و جەنبەقیا کر ۰
لەو خاسا ل وێ قەبولکر ۰
٭ ٭ ٭
۲۸ـ لەو خاسا ل وێ سوحبەتکر ۰
ب کاس و موحەبەتکر ۰
لەو خاسا ل وێ ژ کاسا موحەبەتێ تامکر ۰
٭ ٭ ٭
۲۹ـ گەلی برا هەتا هون ل وێنە۰
دەرهەقێ غافلا مە بێنە۰
ئەو ژی بەندەیێت خودێنە۰
٭ ٭ ٭
۳۰ـ مە بێژن دەرهەقێ غافلا ۰
ب خۆف وترس و موحەبەت بن ژ هەموو دلا ۰
دا ل ڕۆژا ئاخرەتێ ببن خودانێت مراز حاسلا ۰
٭ ٭ ٭
۳۱ـ علمێ خودێ بەحرە ژێ دچن جۆی و کانی ۰
خاس خاسن چۆنە بەر نورا رەحمانی ۰
غافل دکۆرە بوون رێیا خودێ نەدزانین ۰
ل سەر هۆلێ سەکنینە دەروێش قاتانی ۰
ئەم دکێمین و خودێ ئی تەمامە ۰
ــــــــــ
فەرهنگۆک
۱ـ بەندێت خودێنە : مرۆڤن " عەبدێت خودێنە ۰ج
ليست هناك تعليقات:
إرسال تعليق