ب دەستوری خودێ
۱ـ پەدشا ئی پەدشە ۰
چێکەرێ چیان و دەشتە ۰
نەقاشێ هەمو نەقشە۰
۲ـ پەدشا ئی غەفارە ۰
ژ با وی تێت فروارە ۰
بۆ دنیایێ و هەر چار کنارە ۰
۳ـ پەدشای دنیا چێکر ۰
ب حەد و سەد و رێک و پێک کر ۰
و چەندی خلیاقەتە تێدا خنێکر ۰
٤ـ پەدشا ئی سور ل سەما ۰
خودانێ شەڤ و ڕۆژ و دەما ۰
ژ با وی تێتن کەرمە ۰
۵ـ پەدشا خودایێ ملیاکەتە۰
خودایێ ئەوان هەر هەفت سورێت ب تاقەتە۰
هەر هەفت مێرێت ب هەیبەتە۰
٦ـ پەدشای کنیات ئاڤاکر ژ دور و گەوهەرە ۰
سپارتبون هەر هەفت سورێت هەر و هەرە ۰
وتاوسی مەلەک کرە سەروەرە"ژێدەرە۰
۷ـ پەدشا خودایێ بەندە۰
ژ با وی تێتن کەرەمە۰
ل هەموو وەختا و ل هەموو دەما ۰
۸ـ پەدشا مەلکێ بێریە۰
خودایێ مەلەک و خاساییە ۰
پەدشا یەزدانێ ژۆریە ۰
۹ـ پەدشا خودایێ ڕۆژا گەشا ۰
خودایێ کەشیش و قەلەندەرا۰
خودایێ خاس و چاک و مەلەک و کۆچەکا۰
۱۰ـ پەدشا ئێکی مەزنە ۰
ئەوە پەدشایێ هەموو مۆمنا"
خودانێ دنێ یە ئەوە پەدشایێ هەموو تشتە۰
۱۱ـ پەدشا خودێ ئێکی سەبورە۰
خالقێ ئاخ و ئاڤ و بای و ئاگر و نورە۰
هەر ئی هەقە و ئی غەفورە۰
۱۲ـ پەدشا ئێکی ئەمینە۰
ژ با وی تێت مزگینە۰
بۆ مرۆڤا و چەندی موخلقا۰
۱۳ـ پەدشا خودانێ کنیاتێ ۰
پێ بگرن ئنیاتێ ۰
ئەوە ل وە دکەت شیفایەتێ ۰
۱٤ـ پەدشا ئێکی رێبەرە ۰
ئەو ئێکی مەزنی هەر و هەرە ۰
عەبادەت ژێرا یە فەرە۰
۱۵ـ پەدشا ئێکی مەعبودە۰
خودانێ لەوحا و مەحفەلە۰
هەر ئی لایقی سەنا و عەبادەتە۰
۱٦ـ پەدشا خودانێ هەقیێ ۰
دبەخشینت خودانێت هیڤیێ ۰
ئەوە ژ مۆمنا ڕا ددەت خۆشیێ ۰
۱۷ـ پەدشا ئێکی عادلە ۰
ژ هەموو ئالیا ئی کاملە ۰
ئەوە مرازا هەموو دلا ۰
۱۸ـ پەدشا خودانێ رزقاییە ۰
ئاتقاتا هەموو دلا یە ۰
ل حالێ هەموو کەسا ئی ئاگاییە۰
۱۹ـ ل هەموو دەما و ل هەموو وەختا ۰
ئەوە پەدشایێ عەرد و تەختا ۰
ژ با وی تێت رزق و بەختە۰
۲۰ـ پەدشا خودانێ مرازا ۰
خودانێ نەعمەت و نازا۰
ب هەموو وەسفا ئەو ئی رازا۰
۲۱ـ پەدشا خودانێ بەرەکەتێ ۰
نازلێ نەعمەتێ و شیفایەتێ ۰
ئەو خودانێ دنێ و ئاخرەتێ۰
۲۲ـ خودانێ دنێ و ئاخرەتێ۰
حاسلێ مرازا بۆ چەندی دنێ۰
ئێزدانە ئێکی بتنێ۰
۲۳ـ پەدشا ئێکی دلڤینە"رەحیمە۰
بارنەکێ دبارینە ۰
خەلکێ پێ د ژینە" دعەیشینە۰
۲٤ـ پەدشا خوداییە ۰
دیندارا وی ل مە خێر و شاییە۰
جهێ وی ناڤ دلاییە ۰
۲۵ـ پەدشا ئی ستارە ۰
خودێیەکی جەبارە۰
جهێ وی ل هەموو جی و وارە ۰
۲٦ـ پەدشا هۆستایە ۰
ئی عالمە ئی ئاگاییە ئی زاناییە ۰
جهێ وی ل هەموو عەرداییە ۰
۲۷ـ پەدشا نور ل سەر نورە ۰
ئەو ژ مە نەی دوورە ۰
ئی زاناییە ب عەرد و عەزمان و بەحرێت کورە۰
۲۸ـ پەدشا ئێکی دایمی هەر وهەرە۰
کینا کەسی نەیە ل بەرە ۰
هەر و هەر دلۆڤانی و رەحم ل بەرە۰
۲۹ـ پەدشا ئێکی دێرینە ۰
ل عەرد و عەزمانا ئی ب کەرەم و حوکمە۰
ل هەموو دەردا ئی دەرمانە ئەو حەکیمە۰
۳۰ـ پەدشا خوداییە روحا دبە و دئینە۰
سەبر و ئارامیێ د دلا دا دچینە۰
دکەتە موو و نا بزدینە۰
۳۱ـ پەدشا رێیا وی راستی یە۰
کارێ وی هەقیە ۰
سوڕا وی هەر یە موخفی "ڤەشارتیە۰
۳۲ـ رێیا پەدشای راستی یە ۰
پەدشا شک گومان تێ نیە ۰
پەدشا خودێ یە مەلکێ بێری یە ۰
۳۳ـ پەدشا خودانێ مروەتێ ۰
خودانێ شیفایەت و بەرەکەتێ ۰
خودایێ دنێ و ئاخرەتێ ۰
۳٤ـ پەدشا مەلکێ عەرشایە ۰
ب هەموو کارا ئی ئاگاییە۰
ب هەموو دلا ئی هاییە ۰
۳۵ـ پەدشا ئێکی مەزنە ۰
ناڤێ وی ژ هەر و هەرە ۰
ئەو سیقالا دلە ۰
۳٦ـ پەدشای ئێکی بتێ ۰
نە وەکیلە و نە کەفیلە ۰
نە هەفپشکە هەیە و نە بەدیلە ۰
۳۷ـ پەدشا خواییە و کەسی ئەو نەدایە ۰
ئەو دبەت و دستینت ۰
گەش دکەت و د وەرینت ۰
۳۸ـ پەدشای نە دایە و نە بابە ۰
نە زاروکە هەیە و نە کالە ۰
و حەموو تشت بێی وی ئی بەتالە۰
ئەم دکێمین وخودێ ئی تەمامە ۰
ــــــــــــــ
فەرهەنگۆک
۱ـ سیقال : هێنک ۰ هون ۰
۲ـ حەکیم : دختۆر ۰ چارەسەر ۰
۳ـ شیفایەت : چەرەسەری ۰ عیلاج
٤ـ پەدشا : خودێ
ليست هناك تعليقات:
إرسال تعليق