ب ناڤێ ئێزدانێ پاك و دلۆڤان.
1- سلاڤ ژ سلاڤێت جەبێرا .
ديندارا سلتان ئێزي ل مە با و خێڕە.
خۆزي مە ئەو ديندار ديتبا تێره .
● ● ●
2- خۆزي مە تێر ديتبا ئەو ديندارە.
حزرەتا لێ دبوو مەلكێ جةبارە.
خاسا ل بةر بةستبوو پەرى و چارە.
● ● ●
3- خاسا ل بةر بةستبوو چارە و پەرى.
خۆزى سلتان ئێزي بۆمە ڤەكربا ئەو دەرى.
شوكرينا وێ حەرفێ ل مە ب مال وسەرى.
● ● ●
4- ل وان دەرگەها ل وان قاپي يا.
حزرەتا لێ دبوو مەلكێ مێرا .
ئەو مرازا مە هەمى يا .
● ● ●
5- مە هەمووا ئەو مرازە.
خۆرى سلتان ئێزى بھاته .
وێ ئاڤاكربا چەندى ولاته.
● ● ●
6-وێ ئاڤاكربا چەندى دنێ.
ب كليل و مفتێت باتنێ.
چەندى موخلق پێ دبوون خنێ.
● ● ●
7- وەعدە هاتيە دێ كفش بن بێراق و دارە.
خودان ئيمان دێ بنە پاشا و خوندكارە.
ئەوێ ڕۆژێ سلتان ئێزي دنيايە ب تەمامەتى ب دەستێ وان ڤە دسپارە.
● ● ●
8- ديندارا سلتان ئێزي مناسبێ خاسانە.
گوھێ خۆ مەدەنە پڕانە.
قوماشێ خۆ نەفرۆشن ئەرزانە.
● ● ●
9- قوماشێ خاسا يى ب حەقيقەتە.
كێرا سلتان ئێزي كێرەكە ب تاقەتە.
ناڤ ل خۆ دانا حەقيقەتە.
● ● ●
10- ناڤ ل خۆ دانا حەقى يە.
هنجى مێرێ ل وى كەنى يە.
سلتان ئێزي مەلكێ بێري يە.
● ● ●
11- برمە ديوانێ و حدڕەتێ.
ئەو جيێ ئەدەب ومەعريفەتێ.
سلتان ئێزى بخۆ وێ ل سوحبەتێ.
● ● ●
12- سلتان ئێزي وێ ل وێ ديوانێ.
شێشمسه وێ ل سەر كورسيكا بەرێ سكانێ.
دا ژێ بدەين نيشانێ.
● ● ●
13- سلتان ئێزي بخۆ پەدشايە.
هەزار و ئێك ناڤ ل خۆ دانايە.
ناڤێ مەزن هەر خودايە.
● ● ●
14- ناڤێ شرين سلتان ئێزيدە.
وێ دەركەفتى قەلەمان و دەويتە.
مڕۆڤێت عنكار گۆتن مەنەديتيە.
● ● ●
15- مڕۆڤێت عنكار گۆتن مەنەديتيە.
سلتان ئێزي،سورە مەلكێ بێرى يە.
ل ناڤ خاسا ئى سۆڕ موخفى يە.
● ● ●
16- ل ناڤ خاسا ئى موخفى سوڕە.
ئەوى ژخۆ ئافراند بوو دوڕە.
پەدشێ من نور بوو هەر ب رەنگێ خوڕە.
● ● ●
17- چى نورەكە ل ناڤا ڕەنگە.
دەنەكە و هزار رەنگە.
بار تێ نينە خەلكێ خام وعنكار و لەنگە.
● ● ●
18- ياخودێ تو خالقەكى منى هايى.
بۆ هەموو دەردا تو دەوايى.
بۆ هەموو موخلقا توو شيفايى .
● ● ●
19- يا سلتان ئێزي شفاتاتا پڕە.
برمە ناڤ ئەلماس و دورە.
مە عێرفڕەک دڤێت ژ ئالماس ڤەدەت دوڕە.
● ● ●
20- مە عێرفڕەک دڤێت دوڕان ژ ئالماس ڤەدەتە.
كێرا سلتان ئێزي كێرەكە ب تاقەتە.
ناڤ ل خۆ دانا حەقيقەتە.
● ● ●
21- حەقيقەت يە بێ قياسا.
برمە ناڤ دوڕان و ئەلماسە.
ديندارا سلتان ئێزي مناسبێ خاسا.
● ● ●
22- ديندارا سلتان ئێزي مناسبێ خاسا.
هنجى روحا ب ئەدەب و ئەركانە.
سلتان ئێزي بێ شک موحبێ وانە.
● ● ●
23- سلتان ئێزي موحبێ وان بێ شكە.
هنجى روحا بێ كەرب وكين و ركە.
سلتان ئێزي مرازا وێ روحێ حاسل بكە.
● ● ●
24- حەقيقەت يە بێ قياسە.
ئەوان بێرى ديت و نەكرن ناسە.
سلتان ئێزيێ من ڕێ ناسە.
● ● ●
25- پەدشێ من ئێ ل دنێ.
ب كليل و مفتێت باتنێ.
ئەو جندى وێ چنە ديوانا وى كەن خوندنێ.
● ● ●
26- هنجيێ دگەل وان جنديا هۆل رڤايە.
سەرێ خۆ ل حەرفا سلتان ئێزى دايە.
هۆل هۆلا سلتان ئێزيدە.
سلتان ئێزى بخۆ پەدشايە.
● ● ●
27- ئەڤ دنيايە ڤايە.
ژبلى دەرەوا تێ نەمايە.
راستى گەهشتە خودانێ خۆيە.
● ● ●
28- راستى ژ دنێ هلاتە.
مرۆڤا ل سەر شەر و خەباتە.
هنجي دگەرێم ،دلێ من پێ نەى ڕەحەتە.
● ● ●
29- ئەز دگەڕێم ل ڤان دەرا.
دپرسم ژ دەروێشا ژ قەلەندەرا .
گەلۆ دێ كەنكى بۆمە ئێت،ئاغێ مە ئێ فەرە؟
● ● ●
30- مە دل دكُولن ، برين جۆتن .
مەعنيێت كور نائێە گۆتن .
غافلا ئەم ب لۆما سۆتن .
● ● ●
31- غافلا ئەم سۆتن ب لۆما.
عەزێزێ من تە ل مە دڕێژکر دۆما.
لەو ژ پشت مە ڕەڤى كۆمە.
● ● ●
32- كۆم ژ پشت مە ڕەڤى يا.
پرس بكەن ژ وان جندى يا .
گەلۆ کەنگی دێ ئێت ئێزی یا؟
● ● ●
33- پەدشێ من ئێ فاخری.
ئەڤە ھەزار و ئێک سال بۆھرین .
غافل ب مە دکفرین .
● ● ●
34- كفرى بوون ژعنكێرا.
بپرسن ژ وان مێرا .
گەلۆ کەنگی دێ ئێت جەبێرا؟
● ● ●
35- كفرى بوون ل مەييا.
بپرسن ژ وان جنديا .
گەلۆ کەنگی دێ ئێت ئێزی یا؟
● ● ●
36- ئەڤ دنيايە جار علمە جار قوڕنەتە.
پەدشێ من ، بۆ مە نازل كرن.
علم و بەرات و مشوور و خەتە.
ئێزي مە بەرنادەتە.
ئە دكێمين و خودێ يي تەمامە.
-----------
فەرهەنگۆک .
1- سا،سيبەڕ : چاڤدێرى (سايي).
2-بەست : گرێدا.
3-چاره : چاركە.
4- وەحده : خودێ.
5-پێراقدار : ئالاهلگر ، ئەو كەسێن ئێكانيا خودێ 6-پەسەند و بەلاڤ دكن(مُبَشرين).
6-پران : خەلكێ گشتى .
7-كێر : هێز و شيان .
8-دەوێت : حبر.
9-مخفى : نەديار .
10-سوڕ : ئانكۆ گيانێ خودێ، چنكو هەر مۆڤەكى خالەكا پيرۆزه خودێ دبەردايە و هەرچيێ ئەو لێ نەمينيت دێ بێ رومەت و هەيبەت بيت.
11- دەوا : دەرمان .
12- شيفا : چارەسەرى.
-بێرى : خودێ.
-لۆم : گازنده.
-----------------------------------------------
ليست هناك تعليقات:
إرسال تعليق