1ـ خودێیۆ توی هەقی
بێگۆیا بەکی ، بکە شەقی
شەقسێ فەخرەدین ئی سادقە ، ئی سەخی
2 ـ فەخرەدین نە مالێ کەسی دخوارە ، خواریە.
نە دلێ کەسی دئازاره
بێگۆیا ژ دەستێ وی دکرە گازی و هاوارە.
3 ـ وەی ! بێگۆیا و عەوانە
ئێزی ،، خودێ،، تاوسی مەلەک ،، دلێ وان خالی نەکەت ژ ئێشان و ژانە ۰
ئەو چوو ب چاڤێ خۆ نابینن و ل خەلکێ کار باش و خودان ئیمان دکەن بۆختانە
4 بێگۆ ل مار سواربن.
دوبشک رکێت دار بن.
من ب خودێ هیڤیە ل دنێ و ئاخرەتێ ژ هەردوو چاڤا ژار بن۰
5. مار ل مالێت بەیگۆیا بزێن.
ئەو چوو ب چاڤێ خو نابینن.
ئەو دەرهەقێ خەلکێ دبێن" دبێژن
6. بێکۆ دکەڕ دکاس بن
هاڤینێ دپێخواس بن
زفستانێ دبێ کراس بن
من ب خودێ هیڤیە ئەو ژ خوشیا ڤێ دنێ خلاس بن
7ـ بێکۆ دکەڕ دکۆرە بن
هاڤینێ ل جزێری بن ، جهێت زێدە گەرم
زفستانێ ل بن بەفرا تیر بن
من ژ ناڤێ تاوسی مەلەک هیڤیە ئەو ژ خۆشیا ڤێ دنێ دوربن.
8. بێگو مالا وان ل بن بانی
نەشکەفت دەست وان بکەڤت نە خانی
من ژ خودێ هیفیە ئەو هەر دپێخواسبن و ل بیا بانێ ب نالی۰
9. بێگۆ مالا وان وا ل بن کەپرێ
بەفرە ، باگێرە لێ بێتە ستوکری.
من ب ئێزی هیفیه گچك و مەزنێت وان هەتا کیی لێ دەری.
10. بێکۆ ل فروین سەرڤە
شەڤێت کانونێ چلێ زفستانی بمینن ژ دەرڤە
من ژ ناڤێ خودی ، تاوسی مەلەك، ئێزی ،، هیفیه مەزن رابن کچک ل بەرڤە .
11. بێگۆ زۆما سەر بن۰
هاڤینێ پەرخۆ سەر بن
تۆز و باگێرا وەربن
من ب خودێ هیفیه خێرا وان یا خۆش لگەل یەک کدیلەر، لبەربن
12. ئەون بەیگۆیێت کرینو دکەن گۆنەهکاری
فەخردین و چەندی خاسان لێ کری نفری
ل رۆژا ئا خرەتێ مابوون بێ مەفەر، زەبێنیا
ب چەنگلێ وان گرتن وهاڤیتنە ناڤ گۆکا ئاکری
13.خودێیو ، بەیگۆ ئی وەهابێ ل دنێ
شەڤا بەفر و با بێ ۰
سکا سایکا کانونێ" چلەی لێ دابێ
دا بەیگۆ ل وێدەری ب حەق و جزا بێ
14. ل وێدەری بێگۆ ئی د وەهابن۰
بێگۆ شونا ئاگرێ دەستێ خۆ ل بەر بەفرێ گەم بکەن۰
و شونا دۆشەک ولحیفا بێگۆ لەشێ خۆ ب بەرا نەرم بکەن
15. بێگۆ خێرێ نەبینن، و ل مالا بگەرێن،
هندەك دەوێ ترش ل ناڤ گوندێ خۆ بینن
هندەك چەنیکێت نانی بخۆ تێ بچینن
من ژ خودێ هیفیە وی ژی قسمەتی وان نەگەهینت.
16ـ ئەو بێگۆییت ڕوئاسن
ل جفەتا بێژی و گۆتنا دکەن وەکە ئەلماسن "دبێژن۰
بەلێ ئەو ئێزی و رێیا ئێزی ب حەق نەناسن.
17ـ روێیت بێگۆیا رەشترن ژ تەنیا دێزا.
هنجی کەسێ ژێك ڤەکەت دلێ دوو عەزیزا
خودی لێ خۆش نەکەت ڤێکیا چوو پایزا.
18. رویێ بێگۆیا رەشترن ژ تەنیا دێزا
من ژ خودی هیڤیە ئەو نەخۆن ژ فێکیێ چوو پایزا چاوا ئەو ژێکفە دکەن دلێت عەزیزا.
19. خودێیۆ یی بێری
ئەو بوو دەشتا برا گێری.
خودێیۆ توو حوکحێ بێگۆیا ب دەستێ خۆڤە بسپێری.
۲۰ـ خوشکێ وفەخرێ شەرکر
رونشتن چێکر
سەرێ بێگویا کێر کر .
۲۱ـ چەمێ ئاڤا تییم دبێ
کانیا ئاڤا هشک دبێ.
کاری بێگۆیا ل نگ خودێ کێم دبێ.
22. من تەرونەک چێکر ، من گۆ قای ئاشە.
من خانیەك چێکر ، من گۆ قای ماشە.
کول وکاری بێکۆیا ل نك خودێ هەر ئی بەلاشە.
23. من مێوەک چاند من گۆ قای رەزە.
من کێلەک دانا من گۆ قای مەرزە.
کول وکارێ بێکۆیا ل نك خودێ هەری بلەزە.
24. من هژیرەك چاند دەرکەفت کەرك بوو.
جینارەکی من هەبوو، قەوی ئی ب ڕك بوو.
گاڤا من دئاخفت ، ئەو ب کارێ خۆ یی ب شکك بوو.
25. من کوندەکك دابەست ، دەرکەفت بازی بوو۰ زەرەڤانکی من هەبوو خودان ئیمان و ئەرکان بوو.
ئەوی ژی دزانی تالیا دەولەتا من ل کو بوو.
26. هەکە عنکار مێری میرە.
خۆفا خودێ وی نێتە بیرە.
ئەو رزکار و خلاس نابت ژ قەیدان و زنجیرە.
27.هەکە مێری عنکار پاشا بێ۰
سەر تەختێ خۆ راوەستابێ۰
قەت دلێ خاس و مەلەکا و خودێ پێ خۆش نابێ.
28. عنکار چوو چێناکەن ۰
شەڤێت گران خەوێ ناکەن
وان دڤێت طەلپەکی ژ خۆڕا کەن .
29ـ عنکار کۆ دعنکرێ۰
هەکە هەقی هات و حدری ، بوو داهری ، حازربوو ۰
جییەک نینە ئەو لێ ب سەبری.
30. عنکار ئی عنکێرا .
هەکە هەقی هات ئەو گرێدا .
جیەکك نینە هەرێ پیدا .
31.هوون ئەوان عنکارا ب هەق نەگرن .
دووری تەیقە تن بکرن ۰
هەکە قسمەتەکی چاکك دگەل هەیە
ئەوی ژی ، ژێ وەرگرن ، هەلگرن.
32. هوون عنکارا ب حەق نەبینن ۰
ژ دورێ تەریقەتێ بخوینن ۰
هەکە قسمەتەکی چاك دگەل هەبە ئەوی ژی، ژێ بستینن .
33. هەکە ئەسکەر هەزار دبی ۰
دووی عنکارا دبێ۰
با فروارا خودێ هەردوو ژی بار دبی .
34. هەکە عنکار مێرێ شۆباشیە
چی جهێلێ بێ خێر ، بێ خوشیە
دوبار ژ تەعلیە ، ژ دەست تەنگیە.
35. هەکە ئێ عنکار،، مەزن ، مالخۆیێ گوندە.
ئی نەفس کوبارە یی نەفس بلندە.
ئەو ژی ل ئۆغلەما ئێزی دێ بت هندا
36. هەکە عنکارە مالخۆیێ مالە
بکەت هاریکاریا فەقیر و ژارە .
ئەو ژی ل ئاخرەتێ ئی بێ ملك و مالە .
37. هەکە عنکار مێرێ پیرا
وخۆف و ترسا خودێ وی نێتە بیرا .
دەستێ وی راموسە ژ وێ هەرە دوورە .
38 ـ هەکە عنکارە مێرێ کەڕە .
جیێ وی طەش بەرە .
سبەیکێ ژی دکەل مالا خۆ گالە و شەرە
39ـ هەکە عنکارە مێرێ کۆچەکە
گەر ئی ب وەکازە ،گەر ئی ب چەکە
خودێ خلماتا وی قەبوول ناکە و نەکە .
40. هەکە عنکارە مێرێ قەوالا ۰
خودانێ دەفا شەش مالا .
خودێ ماشێ وی لێ نەکەت و ناکە حەلالە.
41. هەکە عنکارە مێرێ دبەردا خەرقەیە۰
ڕۆژێ سێ جارا عەبادەتا خەرقێ خۆ نەکەتە، بکە ژی جیێ وی ئی ڤەژوارتیە۰
قیرە و قەترینە و دۆژەیە جیێ ڤاڤا رتی۰
ژیرە تەنگە و تەعلە و دۆژەیە.
42 ـ دوبشکێت دۆژەهێ د سەمەرن ۰
مارێیت وان دهەڤت سەرن ۰
ل وان روحا دعنکرن .
ئەوێییت ڕۆژێ سێ جارە ب ناڤێ خودێ ئێزی، تاوسی مەلەکك دگونەهن.
43 ـ هنجیێ نە خودان ئەرکان و ئیمان بێ۰
جیێ وی تەنگە و قیرە و دوژەنە
خودان ئەرکان و ئیمان بخودێ ڕا دبن ئاشق ویار وجهێ وان بەهەشتە . یاخۆدێ مەتێ هەبە بار ....ئامین...
----------------
1-بێگۆ : بێبەخت ودەروین و خودانێت نەبووا،ئەو کەسێن خێرا خەلکێ نەڤێن.
2-کەڕ و کاس : نەدەنڰ هەبە، نەلڤین و نە بەرخۆدان.
۳-جزیرە : ئەو جهێن زیێدە دگەرم ، کەس لێ دەبار ناکە، چنکو ئەوێ ژ گەرم و تێهنا بفەتسین .
٤- ستوکری : قرک ئانکو بەفر قامەکێ بێ هەتا .
٥-ئانکو چو رێز و رومەت دناڤ وان دا نەمینە وکەس خاترا یێ دن نەگرە.
٦- ل نك : ل بال ل جەم " ل بال " ل با
۷- عنکار : مروڤێ سەر حشکك و کەسی قەبول نەکە۰ وبێ ئیمان۰
۸- نێتە : نەهێت ، نەهاتن .
۹- دڤێت ئەم نە دعنکار وبێ ئیمان بن وخۆ نێزیکی خودێ بکەین
10. ئێزی ، خودێ ، تاوسی مەلەکك: هەرسێ ناڤیت خودێ نە .
×- د سەبەقا (۳ )دا هەندەکك قەولبێژ دبێژن ل شێخ فەخر دکەن بوختانە.
×- هەر وەسا هەندەکك قەولبێژ دبیژن کول وکارێ بێگویا ل نک ملك فەخردین و ئەو ژی ناڤلک ژ ناڤێت تاوسی مەلەکە۰
×- دسەبەقە(۱٫۲) فەخرەدین ئانکۆ ئەوێ خاس خودێ ناس وهەر وەسا ب مانایا هەر کەسەکێ باش دهێت۰
ليست هناك تعليقات:
إرسال تعليق