1- خودانێ صەبرێ صەبر چێكر .
ناڤێ خۆ ئێ شرين لێكر .
ئەركانا مەعريفەتێ ڤێرا چێكر.
* * *
2- خوداى صەبر كر سكانه .
مەلەك ژ نورا هاتنه خواره .
ب وان ئاڤاكربوو عەرد و عەزمانه .
* * *
3- صەبر دەليله .
نازل بوو ژ قەنديله .
دانين سەر پەردا فەقيرا .
* * *
4- ئەوان ب صەبرێ خوه ناسى .
ئێزى ب وێ صەبرێ داهربوو ب هەزار و ئێك ليباسى .
ل بەحرا گةريا بوو ب رەنگێ ماسى.
* * *
5- صەبر رەحمانه .
ل باهەشتێ مەلەكا گرتبوو جڤات و ديوانه .
صەبر كر دەليلێ رێيانه .
* * * ***
6- صەبر سكانا عەولى يه .
هنجيێ صەبر ناسييه .
ئەوى خودێ خۆ ناسييه .
* * *
7- صەبر ئەركەكى چێيه .
هنجيێ مەعريفەت و ئەركان دڤێيه .
ئەو صەبر سلامەتيا رێيه .
* * *
8- ب وێ صەبرێ دەروێشا مال و مەزەل تەرك كرن .
ب شەڤ و رۆژ عەبادەت كرن.
پەدشێ من سەردانێ خێرێ ل وان كرن .
ئەو دەروێش ژئاگرێ دۆژێ عەفوكرن.
* * *
9- صەبر خەلاتەكى پەدشايه .
ژبا خوه كرى پەيدا .
ب وێ صەبرێ ل بەر وان خاسايه.
گورى بوون(هلبوون) موم و چرايه.
* * *
10- ئەو صەبر دا گاى و ماسييه.
ب وێ صةبرێ خودايێ خوه ناسي يه .
چارده تەبەقه ل سەر ملێ وييه.
* * *
11- ب وێ صەبرێ هەيڤ و رۆژ ل ئاسمانا دانين.
پەردا وان ل كانيا سپى و سحانێ هلانين .
* * *
12- خودێ ب وێ صەبرێ عەرد و عەزمان خەملاندن .
هۆريا ل قوبا فەلەكێ هلهلاندن .
خودێ چار دو... ئافراندن .
* * *
13- پەدشاى ب صەبرێ باهەشت چێكر .
مەلەكا هۆستاى پێکر.
دلێ كارچاكا خوەش بوو.
دلێ خرابا بەر ب ژێر كر .
* * *
14- هۆري و مةلةك ب وێ صةبرێ گةهشتنه ئيمانێ.
هاتن خوەديێ صەبر و سكانێ.
ب وێ صەبرێ گەهشتنه وێ هزرەتێ وێ ديوانێ.
وێ كەيفێ وێ سەيرانێ.
* * *
15- ئةركانةك ژ صةبرێ راستي .
پةدشايي ژ با خوه بيراستي .
ئةو صةبر بوو چرا ل پێشيا وان ڤةگوهاستي.
* * *
16- ئەركانەك ژ صەبرێ ناسيينه.
هنجيێ رێيا خودێ گرت ب ئێقينه .
ئەو رێيا مێر و مەلەكا ب هەق دبينه .
* * *
17- ئەركانەك ژ صەبرێ حەييا يه .
پەدشاى ژ با خوه كربوو پەيدايه.
ئەو جڤات ب ناڤێ خودێ يە ئاڤايه.
* * *
18- صەبر خۆش حەساره .
مۆركرنا وێ ژ ئاڤا كانيا سپى يه .
ب وێ صەبرێ هەر هەفت ملياكەت بون پيره.
-----------------------------------------------------------------
ليست هناك تعليقات:
إرسال تعليق