بەيتا جندی

 بەيتا جندی

1-جنديۆ رابه رۆژه.
بەس ڤێ خەوێ هندۆژه.
خەوا بەرێ سبێ زۆر عەزاب و دۆژه.
***
2- جنديۆ رابه رابه.
بەس ڤێ خەوێ توو شابه.
خەوا  بەرێ سبێ زۆر عەزابه.
***
3- جنديۆ رابه ژ خەوێت شرينه.
بەس گۆرێ تەنگ ببينه.
فەقير دبێ كەربن دبێ كينه .
****
4- رابه ژ خةوێت تاريه .
خەو  حەرام  دبوو ل جنديا .
وێ ل خودانێت ماشان وجەنبةقيه .
*****
5- رابه ژ خەوێت سبەها .
خەو  حەرام  دبوو  ل مەدةها .
وێ ل خودانێت خەرقةها .
*****
6- رابه ژ خەوێت هنگۆرا .
خەو  حەرام  دبوو ل زۆرا .
وێ ل خودانێت خەرقێت ب مۆره.
******
6- رابه ژ خەوێت هێڤارا.
خەو  حەرام  دبوو ل مێردارا .
وێ ل خودانێت كەونان و كارا .
*********
7- رابه ژ خەوێت مەرخونه .
خەو  حەرام  دبوو ل زەرگونه .
وێ ل خودانێت دانان و ستونا .
**********
8- مالۆ نيڤةكا شەڤێ يه .
دەنگي ئيلي وێ دهێيه .
هەره  ته بۆ ژپێ يه .
ماشێ ته ماشەكي چێ يه.
وێ ل بةر خلمةتا  مەولێ يه .
**********
9- مالۆ ديكل وێ دخونن .
ڤان شةڤا خةو لێ  نينن .
جندي هۆلي دستينن.
************
10- جنديۆ  نەكةن  نوو خەوێ .
دێ بسەرێ چنه گەوێ.
دگەل ميرێ  خۆ ناكهن دەرەوێ.
***************
11- ديكلێ پەرێ وي سپي يه .
وێ دخونت ل عەرشێ عێلي يه .
وێ ل بهر مەلكي بێري يه .
بانگ و هاوارێت مه ژديوانا سلتان ئێزي يه .
************
12- ديكلێ پەرێ وي سۆره .
وێ دخونت ل عەرشێ  ژۆره .
وێ ل بةر مەلكي مهلكي ب مۆره
بانگ و هاوارێت مه ژديوانا قبلەت بدوره .
**********
13- ديكلێ پەرێ وي زەره .
وێ دخونت ل عەرشێ  سەره .
وێ ل بةر مەلكي مەلكي ئەكبةره .
بانگ و هاوارێت مه ژديوانا تەنه
هەي مەلكي سهروەره .
**********
14- - ديكلێ پەرێ وي  كەسكه
تو ڤێ خەوێ بەسكه .
رابه ژخودێ بخوازه  ماش و بەرات و رزقه.
***********
15- ديكلێ عەرشا  باندا .
يێ  عەردا  بەياندا .
پەدشێ  من وێ  دلێ  دلۆڤاندا.
***********
16- ديكلي كۆكه كۆكه
وێ دخونت ل مەعشوقه .
وێ  ل بةر مەلكێ فۆقه .
***********
17- ديكلێ پەرێ وي ب رەنگه
ژعەرشا تێتن دەنگه .
هاوي شارا  تێنه جەنگه.
**********
18- مالۆ فةقير دزةرگونن .
ميرێ خۆ ب چاڤان نابينن .
ماشێ  خۆ ژ ميرێ مەزن دستينن.
*********
19- جنديۆ رابه رۆژه .
فةقير  چۆنه بەر  برۆژه.
خوناڤ كەفتي پەيكان وخەرقان و بشكۆژه.
************
20- رابه ژخەوا  سبەها.
فەقير  چۆنه بةر دةرگەها .
خوناڤ كەفتي پەيكان بشكۆژان و وخەرقةها.
*********
21-رابه  ژخەوێت تاري باڤه.
قەست بكه مەرزێت ئاڤا.
جوان بكه دەستان و چاڤا.
ئەڤەبوو عەدةتێ مە زەرباڤه.
***********
22- جنديۆ تو نڤستي .
ل خلمەتێ يێ سستي.
لەو ميرێ مەزن تو ژماش ئێخستي.
********
23- نەخواستم لەو  نڤستم .
هەكەر بخواستامه نەدنڤستم .
لەو ميرێ مەزن ئەز ژماش ئێخستم.
**********
24- جنديۆ مەخۆ ب رۆژێ.
مەنڤه ب شەڤێ.
هەرۆ  كو رۆژ  هلتێ.
ته ماشێ خۆ  ژ ميرێ مەزن دڤێ.
*********
25- جنديۆ مەخۆ ب رۆژان .
مەنڤه ب شەڤان .
سەري هلينه ببينه مەلكان و باغان .
بەهەشتا باقي ملكي ئێزي .

ئەم دكێمين وخودێ  تمامه .