پێشگۆتن : ئەفێ دوعایێ ل هێڤارا بەری رۆژئاڤایێ توو دکاری بێژی و دڤێ دوعایێدا شێشمس بمانیا ناڤەک ژ ناڤێت خودێیە چنکو خودێ کۆنترۆلێ ل گەردونێ و فەلەکێ هەموێ دکەت و هەموو تشتێن سروشتی ب هێز و قەوەتا خودێیە لەوما ودعایێ دبێژت یا سوارێ۰
ب دەستوری خودێ.
1- يا سوراێ رۆژ هەلاتێ و رۆژئاڤيێ.
توو بدەيە خاترا دۆت و دايێ( رۆژ و هەيڤ).
تو مە خلاس كەی ژ قەداێ ژ بەلاێ ژغەلايێ
يا شێشمس تو ل حالێ مالا خۆ و مەژی بپرسی ڤێ جارێ.
2- توو بدەيە خاترا گای و ماسی .
عەرش و حيات و كورسی.
يا شێشمس تو ل حالێ مالا خۆ و مەژی بپرسی.
3- توو بدەيا خاترا چەرخان وفەلەكا .
هۆريان ومەلەكا .
سورا تاوسى ملك ل چاردە تەبەقە۰
يا شێشمس توو پرسيارەكا خيرێ ل مالا خۆ و مەژی بكا۰
4- تو بدەيە خاترا بەهشتێ و دارێ .
سورا ئێزی و دورێ .
يا شێشمس توو ل حالێ مالا خۆ و مە ژی بپرسی ڤێ جارێ.
5-توو ب خاترا دورێ كەی كاسێ كەی۰
ئيختيارێ سورا موخفی و پرا سەراتێ كەی .
توو پرسەكێ ل مالا خۆ و مەژی بكەى٠
6- توو بدەيه خاترا دورا سپیيه .
سورا مەلكێ بێرييه٠
يا شێشمس توو پرسەكا خێرێ ل حالێ مالا خۆ و مەژی بكيه٠
7- توو بدەيە خاترا دورا سۆڕە۰
كورسيا ب مۆره و قوبلەت بدورە.
ياشێشم توو ل بانگ و هاواريت مە بهێی ئە پەدشێ ب مۆره.
8- توو بدەيە خاترا دورا زەرە۰
عەرد و عەزمان و بەرە.
ياشێشم توو ل بانگێ مالا خۆ و مەژی وەرە.
9- توو بدەيە خاترا سوكا مەعريفەتێ.
مێرێ ل بەر بەدلێ دكەن خلمەتێ.
دەروێش ب شەڤ و ڕۆژێ دكەن عبادەتێ.
يا شێشمس تو مەفەريەكا مالا خۆ و مەژی بكە ڤێ جارێ.
10- توو بديە خاترا دوعایێت فەقيرا.
خلمەتكارا و دوعاچيا.
ياشێشمس توو ل مالا خۆ و مەژی بكەی سەخبێرا.
11- توو بدەيە خاترا هەر هەفت مەلەكێت كەبير.
ئەون ژ بەری خاس و چاكا ب چەندی بەديل .
د دەستا دا هەيە مفتە و كليل.
ئەو ژی د راوەستياينه ل بەندا ته ئەی مەلكێ جەليل.
توو دعایێت مە قەبول بکەی و مرازێت مە بینیە جیە۰
ـــــــــــ
فەرهەنگۆک :
۱ـ دۆت و دایێ : پەیڤا(دۆت)ب زمانێ لاتینینە و نها ب زمانێ ئینگلیزینە(دۆت)ئانکو کەچ و (دایێ) ئانکو کایک و لڤردا رامانا (ڕۆژ و هەیڤ)دهێت ! چنکو ژنێ دئێزدیاتیێدا جهەکی پیرۆز و بلند هەیە و وەک ڕۆژ و هەیڤ و هەر وەسان ئاڤا کانیا سپی دهێتە بنیشانکرن و ناسکرن ۰
۲ـ گای و ماسی : ئاخ و ئاڤ ! گای رامانا ئاخێ و هشکاتیێ ددەت و ماسی ررامانا شلیاتیێ و ئاڤێ ددەت۰
۳ـ عەرش و حەيات وكورسی : عەرشێ خودێ ! تەختێ خودێ ۰
٤ـ مالا خۆ" مالا شێشمس : کنیات هەموو ئانکۆ یاخودێ تو هاریکاریا دنیایێ هەموێ و مە ژی بکەی دەمێ مرۆڤێ ئێزدی دوعایا خۆ دکەت دڤێت خێرێ بخوازت هەردەم و بۆ هەموو دنیایێ خێرێ بخوازت کا چاوا بۆ خۆ دخوازت۰
۵ـ چەرخان وفەلەكا : چەرخ و زەمان و وەخت ۰
٦ـ هۆريان ومەلەكا : هۆری ئانگۆ نور و رۆناهی و شەوق! و مەلەک ئانکۆ ملیاکەت ۰
۷ـ سورا تاوسی ملك ل چاردە تەبەقە : ئانکو هێز و شیانێت تاوسی مەلەک ل عەرد و عەزمان ! ئانکو تاوسی مەلەک هێز ل سەر عەرد و عەزمانا هەیە و عەرد و عەزمان دژێر دەستێ ویدانە۰
۸ـ دوڕ : ئانکۆ ئەو دوریا فەجر بووی و هەر وەسا رامانا(خلیە/زێندی) و هەروەسان رامانا علمێ خودێ ددەت ۰
۸ـ کاس : کاسا ژیانێ و موحەبەتا خودێ و کاسا ژیانا هەر و هەر ئانکو کاسا هێڤێنێ ئێزدیاتیێ۰
۹ـ سورا مەلکێ بێری : مەلکێ بێری ئانکو خودێ مەلکێ عەنزل یێ هەری گەڤنار و هەر وەسان سور ئانکو ژیان " ژیانا هەموو موخلقا دگەل تشتێت سروشتی وەک رۆژ و هەیف ۰۰۰۰هتد ۰
۱۰ـ كورسيا ب مۆره : عەرشێ خودێ تەختێ خودێ یێ پیرۆز۰
۱۱ـ قوبلەت بدور : قوبلەتا ئێزدیان ئانکو ڕۆژ۰
۱۲ـ سوكا مەعريفەتێ : جهەکە ل لالشێ جهێ هلکرنا چرایایە و جهێ گۆتنا قەول و بەیت و قەسیدە و دوعایایە و هەروەسان ل ئاخرەتێ ئەو جهێ هەق و حسابێیە۰
۱۳ـ دەروێش : مرۆڤێن خودێناس و خۆ شکاندین بۆ خودێ و عیبادەتێ و هەردەم عەبادەتێ دکەن۰
۱٤ـ فەقير : مرۆڤێن خودێناس و خۆ شکاندین بۆ عیبادەتێ و هەردەم عەبادەتێ دکەن و خەرقە دبەردا ۰
۱۵ـ خلمەتكار : ئەو کەسێن خلمەتێ دکەن ل لالشێ و هەروەسان ئەو کەسێن کارێن چاک دکەن ۰
۱٦ـ مەلکێت کەبیر : هەر هەفت ملیاکەتێن خودێ و ئەو ژ بەری هەبونا مرۆڤانە و چەندی خاس و چاکانە و ئەو خودانێت ئاسانانە بەلێ ئەو ژی وێ ل بەندا فروارێت خودێ ئانکۆ مەلکێ جەلیل ۰
۱۷ـ مەلکێ جەلیل و مەلک تاوس و مەلکێ بێری و مەلکێ مێران : ناڤێت خودێنە۰
۱۸ـ ئێزی : ناڤێ خودێیە ۰
۱۹ـ سەخبێرا : پرسیار ۰
------------------------------------------------------
ليست هناك تعليقات:
إرسال تعليق