دوعايا سفرێ (خوارنێ)
ئەڤ دوعایە ل رۆژێت خێرا و تازیا و ل دیوان و جڤاتا ل پشتی خورنا زادی دهێتە گۆتن ژ لایێ قەولبێش و زانایێن ئۆلی يان ژی کەسەکی دوعایێ بزانت ۰
و مرۆڤێ ئێزدی دەمێ بتنێ خوارنێ دخۆت ئانکۆ ل مال دەمێ خوارنێ دخۆت دڤێت بێژت ب (دەستوری خودێ) و ل دەمێ تێر دبت خوارنێ خلاس دکەت دڤێت بێژت ( ياخودێ مه كێم كر توو زێده بكەی و هەموو برسيان تێر بكەی)
دوعايا سفرێ (خوارنێ)
ب دەستوری خودێ.
يا خودێ توویى دايمی، توویی كەريمی.
ژ عەنزلدا توویی قەديمی.
یا خودێ توو هەفتى و دوو مللەتا ببەیە رەحمێ.
سەرێت سەر بالگيا۰
گرتيێت حەبسيا۰
رێبارێت رێيا۰
كەسيف و بەلنگاز و مەژی پێرا.
وە بەهر دبەهەشتێ هەبە
هوون ب ماش بن ب بەرات بن ب خەلات بن.
ب كور و قيز و دەولةت و ئيمان و ئاخرەت بن.
خەم نەبە دەرد نەبە۰
رزقێ حازر و گوهدادا كێم نەبە
سواری پەيا نەبە۰
شين و شايا كەم نەبە۰
دۆست و دوژمنارا شەرمين نەبە۰
خانی بێ دەری نەبە۰
مێر بێ سەری"ئیمان نەبە۰
چيا بێ كەری نەبە۰
ئاڤا گەليا و كانيا زُها نەبە۰
نان ژ خەزنا خودێ بە۰
هێڤێن ژ كانيا سپی بە۰
سفره ب دەستێ مەلكێ جەليل به٠
ب بەرەكەتا خودێ بە٠
يا خودێ مه كێم كر توو زێده بكەی
هەموو برسيا تێر بكەى٠
ئەم د کێمین و خودێ یێ تەمامە۰
#ئەگەر ئەو زادە خێرەک بوو مرۆڤەکی خودان خێر چێکربوو ل دوماهیێ دبێژن:
[ ياخودێ مه كێم كر توو زێده بكەی توو خێرا(ناڤ) قەبول بکەی و هەموو برسیا تێربکەی]
دێ ناڤی وی کەسی بێژن ئەویێ خێر کری۰
---------------------------------
فەرهەنگۆک :
۱ـ دایمی : یێ هەر و هەری بێ دەستپێک و بێ داوی۰
۲ـ کەریمی : مینا دلۆڤان۰
۳ـ عەنزەلی : یێ هەر و هەرە یێ بێ دەسپێکیە ئانکو خودێ دەستپێک نینە۰
٤ـ قەدیم : کەڤن۰
۵ـ هەفتی و دوو ملەت : لڤردا مەرەم ژێ هەموو مرۆڤ۰
٦ـ رەحیمی : یێ دلۆڤانی۰
۷ـ دەولەت : ئانکو ئیمان۰
۸ـ بەهشتێ : مەرەم ژێ ئەوە د ژیانا خۆدا هوون ل سەر رێیا خودێ بن و خودێ ژ وە یێ رازی بت ئانکو دگەل خودێ بن ! و پشتی مرنێ ژی ل جەم خودێ ۰
۹ـ سەری : لڤردا رامانا ئیمانێ ددەت ۰
۱۰ـ‌مەلکێ جەلیل : ناڤەک ژ ناڤێن خودێ یە ! ئانکو تاووسی مەلەک۰
ليست هناك تعليقات:
إرسال تعليق